Programa1406

Podcast de Corcovadomusica

Edición número 1406 de O Recanto do Corcovado. Puidestes escoitala o venres 3 de maio a través de RKV Radio Vigo, e o sábado 4 na sintonía de Cuac FM A Coruña e da Radio Municipal de Redondela. Pechamos a rolda de emisións o mércores 8 a través de Radio Crónica Folk Musical. Escoitamos os novos sinxelos dos Stormy Trucks (banda compostelana de rock ’n’ roll liderada polo versátil guitarrista Valentín Caamaño) e dos Rebeliom do Inframundo, desta volta coas Fillas de Cassandra. Entra tamén “Se me apuras”, o excepcional segundo sinxelo de “Basal”, o novo da Pedreira. Dende Brasil preséntovos o novo traballo de Arthur Melo, na rúa dende hai uns días, ademais do tema “Oxalá, promessa do migrante”, primeiro adianto do novo disco dos Ayom. Completamos este primeiro bloque coa música dos Terrae. Na segunda parte do programa descubrimos “Spain Forever Again”, o novo traballo de Michel Camilo e Tomatito.