Svarthol - 3.þáttur

Þú veist betur

Jæja þá, við erum komin á þriðja og síðasta þáttinn í yfirferð okkar um svarthol. Ég vona að þið séuð að taka þetta í þeirri skammtastærð sem hentar ykkur, bara svona til þess að gefa heilanum smá frí á milli. Nú ætlum við að kynnast svartholinu betur og fá úr því skorið hvort við þurfum í raun að óttast eitthvað. Eða eru áhyggjur okkar byggðar á kvikmyndum og ýktum raunveruleikum handritshöfunda í Hollywood? Svo ætla ég að henda á vin okkar Helga Frey Rúnarsson spurningum sem komu til mín í gegnum twitter, þar sem fólk vildi nýta tækifærið og spyrja sérfræðing spjörunum úr. En við byrjum á hugsanlegum ranghugmyndum okkar um svarthol. Auka lesefni: Kip Thorne - Black holes and time warps Kvikmyndin Interstellar