Depressiun postpartala – tristezza empè da sentiments da ventira

Marella

La naschientscha d'in uffant vegn savens descritta sco il pli bel di en la vita d'ina mamma u d'in bab. Che gist la fasa a l'entschatta, cura ch'i dat or da duas persunas tuttenina trais, n'è betg mo rosa, s'accorschan ins per part pir cura chins è gia entamez. La Marella raquinta l'istorgia persunala da Rahel Gasser, ina dunna giuvna dal Partenz. Sia istorgia è exemplarica per las var 12'500 mammas en Svizra che dattan mintgonn suenter l'uschenumnà «eveniment legraivel» en ina crisa. Era sche mintga istorgia è individuala ed unica: las experientschas collian.