Frantziako hauteskundeak, etorkizuna bidegurutzean

El Salto Radio

Ipar Euskal Herrian sozialista, komunista, ekologista eta abertzaleek osatutako Fronte Popular Berria koalizioa garaile izan arren, eskuin muturra gailendu da Frantziako leku askotan, hiri ertain eta nekazal eremuetan batez ere, hiri handietan ez bezala. Emaitzak eta bigarren itzulirako aurreikuspenak aztertzeko izan dugu Jenofa Berhokoirigoin Argiako kazetaria. Le Penen Batasun Nazionaren eta ezkerreko koalizioaren programa ekonomiko antagonikoak aztertu ditugu baita ere. Postfaxistek lanpostuetan eta zerbitzu publikoetan“lehentasun nazionala”, politika sozialak murriztea eta pribatizazioak burutzeko asmoa dute. Fronte Popular Berriak, ordea, lehenengo aste eta hilabeteetarako plan zehatza du, eta aurrekonturako kalkuluekin batera aurkeztu du. Neurri klimatikoak, Gutxieneko soldataren eta langabezi sarien igoera, azken pentsio erreformaren baliogabetzea eta etxebizitzan aldeko politika publikoa dute helburu, besteak beste, eta horiek finantzatzeko biztanleen goiko %8ak ordaindutako zerga igoerak ezartzea aurreikusten dute. Bukatzeko, Asier Blas EHUko politika zientzietako irakasleak gako batzuk eskaini dizkigu Frantziako hauteskundeen joera nagusiak ulertzeko. Macronismoaren gainbeheraren eta eskuin muturraren gorakadaren aurrean, Fronte Popular Berria eratu da. Gai izango ote da ezkerra pultsoa irabazteko?