Barnehagepionerar i Sogndal: Med tru på eigen kompetanse

BluPodden

Bli med på ei spennande reise tilbake til slutten av 70-talet i dei nyaste episodane av BluPodden. Dette var ein tid då det å velje høgare utdanning som kvinne ikkje var vanleg, og det var òg avgrensa kunnskap om førskulelærarutdanninga. Her møter du barnehagepionerane Gunn Haugen og Kari Marie Navarsete som fortel om sine erfaringar som nyutdanna førskulelærarar i Sogndal. Dei deler sine opplevingar frå ei tid då barnehagetilbodet vart forma for å imøtekomme behova til dei som flytta til området for å jobbe ved høgskulen. Medverkande: Gunn Haugen tidlegare styrar i Kjørnes barnehage og Kari Marie Navarsete tidl. styrar og praksiskoordinator ved HVL. Samtalen blir leia av Sigrid Bøyum førstelektor i pedagogikk ved HVL.