S03E09 - E tu vivrai nel terrore! L'aldilà

Mal de Olho

Fulci regressa ao podcast com o filme mais fulciano de todos: ...E tu vivrai nel terrore! – L’aldilà. O Pineda defende esta loucura como se fosse Gone with the Wind, enquanto Churi e Miguel olham para ele com desconfiança. O drama, o horror, a tragédia. Percorremos novamente a trajetória do realizador romano e falamos também do guionista Dardano Sacchetti. Encontramos umha produçom com tudo: um hotel maldito, umha porta ao além, aranhas assassinas, zumbis, lesões oculares e muitíssimo gore do bom, do artesanal Pineda destaca umha mensagem existencialista sombria, a adequada representaçom do terror cósmico e umha realizaçom competente de Fulci, chegando a afirmar que é um dos seus filmes de terror preferidos. Miguel e Churi vem detalhes, mas criticam o errático do enredo. Ouve-se de fundo o afiado das facas. Debatemos sobre cans e “ghatos” num novo concurso e surpreende-nos fevereiro, o mês da mulher no terror. Improvisamos o formato para este evento e durante a semana iremos anunciando os três filmes com os que o iniciaremos. Vós tedes algumha sugestom? E já agora, cans ou “ghatos”? RECOMENDAÇOM After life (série, 2019) Veneno (série, 2020) Historia de Remedios (curta, 2022) Pose, 3ª temporada (série, 2019) PREVENÇOM Scream (2022) The Runner (2022)